ԱՌԱՎՈՏ. ԵՄ երկրները դեմ են քվեարկել Ադրբեջանին

Turan գործակալությունը փորձել է պարզել, թե որ երկրներն են դեմ արտահայտվել ՄԱԿ-ի Անվտանգության խորհրդում Ադրբեջանի անդամության վերաբերյալ հոկտեմբերի 25-ին կայացած քվեարկության ժամանակ:

Հիշեցնենք, որ առանց այլընտրանքի տեղի ունեցած քվեարկության ընթացքում ՄԱԿ-ի 193 անդամներից 24-ը դեմ են քվեարկել Ադրբեջանին, իսկ 13 երկիր այլ թեկնածուներ են առաջադրել:

Արեւմտյան դիվանագետներից մեկն ասել է, որ Ադրբեջանի դեմ քվեարկել են Եվրամիության անդամ երկրները: Ըստ աղբուրի` դա կապված է Բաքվի անորոշ արտաքին քաղաքական կուրսի եւ մարդու իրավունքների խախտումների հետ:

«Արեւմուտքը չէր ուզում երկրորդ Պակիստան տեսնել Անվտանգության խորհրդում` արեւելաեվրոպական երկրի փոխարեն»,- նշել է աղբյուրը: