ՀԱԿ-ը ծուղակներից չի վախենում

Սերժ Սարգսյանի դեմ քաղաքական ուժերի միավորման բանալին, ըստ ՀԱԿ համակարգող Լեւոն Զուրաբյանի, հասարակությունն է:

«Մենք առաջին հերթին աշխատելու ենք ժողովրդի հետ, բայց ինչ-որ փուլից չեմ բացառում, որ ժողովրդի մոբիլիզացիան պատշաճ մակարդակի հասցնելուց հետո արդեն հնարավոր կլինի այլ քաղաքական ուժերի հետ բանակցությունը, ոչինչ չեմ բացառում»,- նշեց նա:

Թե ի՞նչը կարող է ստիպել ԲՀԿ նախագահ Գագիկ Ծառուկյանին դուրս գալ Սերժ Սարգսյանի դեմ հարցին ՀԱԿ համակարգողը չցանկացավ պատասխանել եւ հավելեց, որ չի ցանկանում խոսել որեւէ մեկի մոտիվների մասին:

«Երկիր»-ի թղթակցի այն հարցին, թե չի՞ վախենում, որ այս ամենը կարող է ծուղակ լինել կոալիցիայի կողմից, Զուրաբյանը պատասխանեց. «Մենք վախկոտ չենք: Դա արդեն 4 տարի է, ինչ ապացուցել ենք»: