Մեր ողջ ժառանգությունը

Հոկտեմբերի 24-28-ը Երեւանի Մեսրոպ Մաշտոցի անվան հին ձեռագրերի գիտահետազոտական ինստիտուտում կանցկացվի «Հիշողության կերպարանքները, ձեռագիր եւ տպագիր ժառանգության պահպանման ու վերականգնման նորագույն տեխնոլոգիաները» միջազգային սեմինարը` նվիրված Հայ գրատպության 500-ամյակին:

Սեմինարն անցկացվում է միաժամանակ երեք բաժանմունքներում` վերականգնողներ, ֆոնդապահներ, բարձր տեխնոլոգիաների մասնագետներ:

Սեմինարի ղեկավար Արա Խզմալյանը նշեց, որ նման նախաձեռնություն առաջին անգամ է իրականացվում մեր իրականության մեջ: «Երբեք այսքան մեծ չի եղել ուշադրությունը ձեռագիր եւ տպագիր ժառանգության նկատմամբ, որոնք ենթակա են կորստյան, մաշվածության: Սա լավ հնարավորություն է` խոսելու ենթադրվող լուծումների մասին»,- ասաց նա:

Մատենադարանի տնօրեն Հրաչյա Թամրազյանն էլ իր հերթին նշեց, որ սա եզակի հնարավորություն է` Հայաստան ժամանած մոտ 50 հյուրերին ցույց տալու մեր պատմամշակութային կոթողները: