Հարկայինը նազիր-վեզիրի պես է աշխատում

Հայաստանի հարկային քաղաքականությունը Եվրոպայում ոչ թե ամենախստերից, այլ ամենավատերից մեկն է:

«Խիստ չէ, քանի որ այլ երկրներում ավելի բարձր դրույքաչափեր կան, բայց ոչ մի տեղ այդքան կանխավճարներ, հաշվետվություններ չեն ուզում, հարկային աշխատողների այցելություններ այդքան չեն լինում: Մեր հարկայինն աշխատում է միջնադարյան նազիր-վեզիրների պես. երբ թագավորն ասում էր` գնացեք, հարկերը հավաqեք-բերեք»,- yerkir.am-ի հետ զրույցում ասաց տնտեսագետ Սամվել Ավագյանը:

Նրա խոսքերով` ժամանակակից աշխարհում չկա հարկահավաքություն, դա վաղուց է վերացել: Հարկային ծառայությանը միայն  թույլատրվում է վերահսկել հարկերի վճարման գործընթացը: Իսկ վճարման գործընթացը եւ դրան միջամտությունների չափը հարկային ծառայության աշխատակիցների կողմից հասցված է նվազագույնի:   

«Մարդուն թույլ են տալիս տարվա մեջ մեկ-երկու անգամ, օրինակ, էլեկետրոնային տարբերակով կատարել վճարումը: Իսկ հարկայինի գործը միայն ընդունելն ու վերահսկելն է: Եթե սխալ են հայտնաբերում, դիմում են վարչական միջոցների»,- ասաց տնտեսագետը: