Պատգամավորի համար ողջունելի է, որ հարկայինը ստուգել է ՀՀԿ-ականի բիզնեսը

Ինչպես հայտնի է՝ հարկային մարմինները 60 միլիոն դրամով տուգանել են ՀՀԿ-ական պատգամավոր Աշոտ Աղաբաբյանին պատկանող «Հրազդան» տոնավաճառը:

Այսօր նա չէր եկել խորհրդարան, և լրագրողները հետաքրքվեցին նրա գործընկեր ՀՀԿ-ական գործարար պատգամավորներից, թե ինչ են մտածում նրանք այդ հարկային գործի և իրենց բիզնեսների ապագայի մասին:

ԱԺ պատգամավոր Կարեն Բոթոյանը, ով իր աներոջ հետ միասին ներգրավված է շինանյութերի բիզնեսում, նշեց, որ ինքը տեղյակ չէ Աշոտ Աղաբաբյանին պատկանող տոնավաճառի հարկային ստուգումներից:

«Ողջունելի ա, հարկային ստուգումներ են արել, եթե խախտում են արել, իհարկե, թող գրեն»,- ասաց պատգամավորը: Մեր հարցին, չի անհանգստանում արդյոք, որ իր բիզնեսներին նույն ճակատագիրը կսպառնա, պատասխանեց. «Չէ, միանշանակ չեմ վախենում»: