Կարողացանք 3 միավոր վաստակել. Մկրտչյան

Դոնեցկի «Մետալուրգի» և Հայաստանի հավաքականի կիսապաշտպան Կառլեն Մկրտչյանը «Կրիվբասի» հետ խաղից հետո պատասխանել է ակումբի պաշտոնական կայքի հարցերին:

- Այնքան էլ հեշտ հանդիպում չստացվեց: Կարևորը, որ  հաղթեցինք և ուրախացրինք մեր երկրպագուներին ու թիմի ղեկավարությանը: Ինչ վերաբերում է խաղին, մենք բազմաթիվ պահեր ունեցանք, որոնք չկարողացանք օգտագործել: Աշխատելու տեղ շատ ունենք: 

- Ի՞նչ ես կարծում, ինչո՞ւ գնդակը չէր հայտնվում «Կրիվբասի» դարպասում: 
- Բախտներս չբերեց: Դարպասը գրավելու հիանալի պահեր ունեինք: Պետք է ավելի ուշադիր լինել նման պահերին: Կարևորը, որ հանդիպումը մեր հաղթանակով ավարտեցինք:

 - Ընդմիջման ժամանակ մարզիչը` Վլադիմիր Պյատենկոն,  ի՞նչ ցուցումներ տվեց թիմին: 
 - Մարզիչը խնդրեց ևս մեկ գոլ խփել, բայց դա մեզ չհաջողվեց: Թեեւ «Կրիվբասը» լավ թիմ է, մենք լրջորեն պատրաստվել էինք և կարողացանք 3 միավոր վաստակել:

- Կառլե'ն, ըստ քեզ` դու լավ հանդիպում անցկացրեցի՞ր: 
- Ամենակարևորը, որ մարզիչը գոհ լինի իմ խաղից: Խաղս մեկնաբանել ես չեմ ցանկանում:

- Իսկ ինչպիսի՞ սպասելիքներ կան նույն «Կրիվբասի» հետ գավաթային հանդիպումից առաջ:
- Այսօրվա խաղը կավելացնի վստահությունը սեփական ուժերի նկատմանբ: Մենք ամենայն լրջությամբ ենք պատրաստվելու գավաթային հանդիպմանը: 

Լուսանկարը` metallurg.donetsk.ua-ի