Անհամբերությամբ սպասում են նախագահի ընտանիքի համալրմանը

Ֆրանսիացի պապարացիները անհամբերությամբ սպասում են երկրի նախագահի ընտանիքի համալրմանը, որը կարող է տեղի ունենալ ամեն պահի: Նրանք շուրջօրյա հերթապահություն են սահմանել Փարիզի այն հիվանդանոցի մոտ, որտեղ, ըստ հավաստի տեղեկությունների, ծննդաբերելու է Կարլա Բրունի-Սարկոզին. տեղեկացնում է ИТАР-ТАСС-ը:

Ելիսեյան պալատն ավելի վաղ հասկացրել էր, որ չի թեթեւացնելու լրագրողների կյանքը` Ֆրանսիայի առաջին տիկնոջ մասին պաշտոնական տեղեկատվությամբ: Ի դեպ, Կարլա Բրունին նույնպես հարցազրույցներից մեկում հայտարարել էր, որ ամեն ինչ անելու է երեխային ԶԼՄ-ների ուշադրությունից զերծ պահելու համար: Նույնիսկ հայտնի չէ` տղա՞ է ծնվելու, թե՞ աղջիկ: