Ֆուտբոլասերների "ստուգումը" գոհացուցիչ էր

Քիչ առաջ Ամիրյան փողոցում ծեծկռտուք էր. երկու երիտասարդներ` 24-ամյա Արմեն Գալստյանը և 21-ամյա Վարուժան Հովհաննիսյանը, որոշել էին «ստուգել» հայ ֆուտբոլասերներին: Տղաները փողոցում սկսել էին թափահարել Մակեդոնիայի դրոշը և վանկարկել «Մա-կե-դո-նիա»:

«Սկզբում անցորդները մեզ թարս էին նայում և ուղղակի անցնում, սակայն, տեսնելով, որ շարունակում ենք վանկարկել, տղաների մի խումբ մոտեցավ. սկսեցին քաշքշել մեզ: Մինչ ցանկանում էինք բացատրել` Վարուժանին արդեն ծեծում էին»,- yerkir.am-ին պատմեց Արմենը:

Համենայն դեպս, տղաներն ուրախ էին: «Ճիշտ է` ընկերս ծեծ կերավ, բայց մենք հիասթափված կլինեինք, եթե մարդիկ անտարբեր լինեին»,- ասաց Արմենը, իսկ ծեծված Վարուժանն այդպես էլ չցանկացավ խոսել: