Պահանջվում են դահիճներ

Շրի Լանկայում դահիճների թափուր աշխատատեղեր կան. ըստ Reuters-ի` այսօր այդ մասին հայտարարել է կառավարության ներկայացուցիչը:

Երկրում մահապատիժ չի կիրառվել 1976 թվականից: Իսկ 2004-ին իշխանությունները մահապատիժ են սահմանել բռնաբարության, թմրանյութերի վաճառքի եւ սպանության համար:

«Թափուր տեղեր են առաջացել այն բանից հետո, երբ դահիճներից մեկի պաշտոնը բարձրացրել են, իսկ մյուսը ազատվել է աշխատանքից»,- ասել է բանտային համակարգի նախարարության ներկայացուցիչը` հավելելով, որ կառավարությունը հայտարարություն է տարածել այդ կապակցությամբ, քանի որ տեղը երկար ազատ մնալ չի կարող:

Պաշտոնյայի խոսքերով` ներկայումս բանտերում սպանության եւ թմրանյութերի հետ կապված հանցագործությունների համար 800 դատապարտված կա, որոնց նկատմամբ տեսականորեն կարող է մահապատիժ կիրառվել: Ի դեպ, մահապատիժ կիրառելու համար պահանջվում է երկրի նախագահի ստորագրությունը: