Սարկոզիի այցը` տոն

Վրաստանի նախագահ Միխեիլ Սահակաշվիլին, ընդառաջելով Թբիլիսիի քաղաքապետարանին, հոկտեմբերի 7-ը ոչ աշխատանքային օր է հայտարարել Թբիլիսիի բնակիչների համար` քաղաքի օրվա կապակցությամբ:

Թբիլիսիի օրը մշտապես նշվել է հոկտեմբերի վերջին, սակայն, ըստ ռուսական Взгляд թերթի կայքի, հոկտեմբերի 7-ը ոչ աշխատանքային է հայտարարվել Ֆրանսիայի նախագահ Նիկոլա Սարկոզիի` Վրաստան կատարելիք այցի կապակցությամբ։

Փաստորեն, ցուցամոլ վրացիները մի կրակոցով երկու նապաստակ են խփում` իրենց տոնն են ցուցադրում Սարկոզիին, նաեւ իշխանությունները կոչ են անում «ազատ» թբիլիսցիներին Ազատության հրապարակում ունկնդիր լինել երկու երկրների նախագահների ելույթին: