Սարկոզիի այցի օրը Վրաստանում ցույց է նախատեսվում

Վրաստանի «Վրացական ակադեմիա» ընդդիմադիր կազմակերպությունը հայտարարել է, որ հոկտեմբերի 7-ին` Ֆրանսիայի նախագահ Նիկոլա Սարկոզիի Վրաստան այցի օրը, անհրաժեշտ է անցկացնել հակաիշխանական բողոքի ակցիա:

Կազմակերպության ներկայացուցիչ Թեմուր Նանեիշվիլին ասել է, որ «ամբողջ Եվրոպային հարկավոր է ցույց տալ, որ Վրաստանում ոչ բոլորն են աջակցում իշխանություններին»: Ըստ նրա` խոսքն առայժմ նախաձեռնության մասին է, սակայն եթե իրենց աջակցեն այլ կազմակերպություններ, ակցիան անպայման կանցկացվի. տեղեկացնում է վրացական «Պիրվելի» գործակալությունը:

Նիկոլա Սարկոզին տարածաշրջանային այցն սկսելու է հոկտեմբերի 6-ին Երեւանից, հոկտեմբերի 7-ին Ֆրանսիայի նախագահը կայցելի Վրաստան, իսկ հոկտեմբերի 8-ին` Ադրբեջան: