Սարկոզիի վրա հարձակվել են (տեսանյութ)

Մի անհայտ տղամարդ ուժեղ քաշել է Ֆրանսիայի նախագահ Նիկոլա Սարկոզիի թեւից եւ քիչ է մնացել` գետնին տապալի, սակայն անվտանգության աշխատակիցներն օգնության են հասել:

Միջադեպը տեղի է ունեցել Ֆրանսիայի հարավում գտնվող Լո է Գարոնում, երբ Սարկոզին մոտեցել է հավաքված մարդկանց` բարեւելու:

Ֆրանսիական հեռուստաալիքներով ցուցադրվող կադրերից երեւում է, որ Սարկոզին մոտեցել է արգելափակոցին, եւ հանկարծ ինչ-որ մեկի ձեռքը բռնել է նրա կոստյումի թեւքից ու դեպի հավաքվածները քաշել: Նախագահը կորցրել է հավասարակշռությունը, սակայն հասցրել է հետ ցատկել:

Սարկոզիի գրասենյակը չի մեկնաբանել միջադեպը: Հարձակվողի ով լինելու մասին տեղեկություններ դեռ չկան: