Սարկոզիի հիմնական մրցակցի անունը հայտնի է

2012թ. ապրիլին կայանալիք նախագահական ընտրություններում Ֆրանսիայի նախագահ Նիկոլա Սարկոզիի հիմնական մրցակիցը կլինի 57-ամյա սոցիալիստ Ֆրանսուա Հոլանդը, ով հայտնի է Հայոց ցեղասպանությունը ժխտողների նկատմամբ իր կոշտ կեցվածքով:

Սոցիալիստների ներկուսակցական ընտրությունների ժամանակ 2,8 մլն ձայների 56%-ը բաժին է ընկել հենց նրան, իսկ նրա մրցակիցը՝ Մարտին Օբրին, հավաքել է ձայների 44%-ը։

«Մեր կուսակցությունից կառաջադրվի մեկ թեկնածու, և նրա առաքելությունն է միավորել բոլոր նրանց, ովքեր մեզ հետ միասին կհասնեն երկրորդ փուլ`ձախերին, կանաչներին, կոմունիստներին: Մեր այսօրվա հաղթանակը պատահական չէ, այն պետք է տեղի ունենար»,- ասել է Հոլանդը: