Սարկոզիի ելույթը հայ-ֆրանսիական հարաբերությունների մասին է

Պետական այցով Հայաստան ժամանող Ֆրանսիայի նախագահ Նիկոլա Սարկոզիի ուղերձը կհեռարձակվի Երեւանի Ֆրանսիայի հրապարակում տեղադրված մեծ էկրանին:

ՀՀ-ում Ֆրանսիայի դեսպանատան մամուլի ծառայությունից հայտնում են նաեւ, որ Նիկոլա Սարկոզին, ՀՀ նախագահի ուղեկցությամբ, այսօր հանդիսավորությամբ կբացի Ֆրանսիայի կողմից Հայաստանին նվիրաբերված` Օգյուստ Ռոդենի հեղինակած արձանը` ի նշան հայ-ֆրանսիական բարեկամության:

«Ֆրանսիայի նախագահը հայ-ֆրանսիական հարաբերությունների մասին ելույթով կդիմի Հայաստանին: Ֆրանսիայի նախագահը ուրախ կլինի, որ Ֆրանսիայի հրապարակը համախմբի բազմաթիվ հայերի, ովքեր հնարավորություն կունենան լսելու նրա ուղերձը»,- ասված է Ֆրանսիայի դեսպանատան հաղորդագրության մեջ: