Ծեծել, խեղդել, դանակահարել է կնոջը

Մեծ Բրիտանիայի Յորքշիր նահանգի ուսուցիչ Էնդրյու Լինդոն ծեծել, խեղդել, ապա դանակահարել է իր կնոջը` մինչեւ մահանա, իսկ դին թաքցրել է ճամպրուկում:

Դատավարության ժամանակ դատավորը զարմացած հայտարարել է, որ մեղքի զգացումը Լինդոյի համար չէ: Բանն այն է, որ կնոջ անմիջապես սպանությունից հետո նա տուն է բերել իր սիրուհիներից մեկին եւ ողջ գիշեր նրա հետ անցկացրել այն ննջարանում, որտեղ սպանված կինն է եղել: Ընդ որում` տանն են եղել նաեւ նրա 2 երեխաները:

Լինդոն մոտ 7 շաբաթ կնոջ հարազատներին եւ ընկերներին վստահեցրել է, որ կինը կենդանի է, նրանց հաղորդագրություններ է ուղարկել Facebook-ում: Սակայն որոշ ժամանակ անց կնոջ բարեկամները սկսել են կասկածել եւ ոստիկանություն են դիմել: Ոստիկանները կնոջ դին հայտնաբերել են ավտոտնակում: Լինդոն խոստովանել է, որ սպանել է իր զուգընկերոջը, սակայն կանխամտածված չի արել:

Դատարանը նրան հավանորեն կդատապարտի 22 տարվա ազատազրկման: