Թուրքիայում ամուսինը դանակահարել է կնոջը, մարմինը մասերի բաժանել և նետել աղբամանը

Մինչ ողջ Թուրքիան ոտքի էր կանգնել 20-ամյա ուսանողուհու անմարդկային սպանության համար, Մերսին քաղաքում նմանատիպ սպանություն է տեղի ունեցել:

Ըստ Hurriyet-ի՝ իբր շիզոֆրենիայով տառապող` 47-ամյա Թահիր Քարթը դանակահարել է իր 17 տարվա կնոջը, նրա մարմինը մասերի բաժանել ու նետել աղբամանը:

Տեղեկությունների համաձայն՝ Քարթը դիմել է ոստիկանություն՝ պնդելով, որ կինը կորել է: Քարթի եղբայրը, գիտենալով նրա հիվանդության մասին, նրան տարել է տուն, որտեղ հայտնաբերել է արյան հետքեր: Քարթի եղբայրը նրան դարձյալ տարել է ոստիկանատուն, որտեղ էլ նա ընդունել է հանցանքը: Քարթը պատմել է, որ կնոջ հետ վեճի է բռնվել և արդյունքում դանակահարել է նրան, ապա մարմինը մասերի բաժանել ու, տոպրակի մեջ լցնելով  նետել տնից 200 մետր հեռու գտնվող աղբամանը:

Դեպքի կապակցությամբ հետաքննություն է սկսվել: