ՀՅԴ-ն պասիվ չէ

ՀՅԴ-ն շատ հավասարակշիռ է եւ հիստերիկ բաներ չի անում: «Մենք սեպտեմբերը սկսել ենք հանրահավաքներով, երկու հանրահավաք արել ենք: Ակտիվորեն մասնակցում ենք խորհրդարանի աշխատանքներին: Մեր ընկերները գործուղումների մեջ են: Կարծում եմ` ավելի լավ է ուշ սկսել լավ տեղ հասնել, քան շուտ սկսել եւ ճանապարհի կեսին սպառվել»,- այսօր ԱԺ ճեպազրույցների ընթացքում պատասխանելով ՀՅԴ-ի պասիվության մասին` լրագրողի հարցին` ասաց խմբակցության քարտուղար Արտաշես Շահբազյանը:

Նա հիշեցրեց նաեւ, որ այս տարվա գարնանից Դաշնակցությունը սկսել է ընտրական իրավունքի պաշտպանության շարժում եւ այս ընթացքում կազմակերպել տարբեր ձեւաչափի աշխատանքներ, փոքր, կամերային ձեւի մեջ հանդիպումներ, հանրահավաքներ եւ այլն: