Տաքսիստի տրամաբանություն

Անկախությունից հետո Երեւանի փողոցներում լուսացույցները դարձյալ գործարկվեցին միայն 2003 թվականից, երբ քաղաքապետ դարձավ Ռոբերտ Նազարյանը:

Այդ օրից ժամանակներ անցան, Ռոբերտ Նազարյանին փոխարինեցին Երվանդ Զախարյանը, Գագիկ Բեգլարյանը, հիմա էլ` Կարեն Կարապետյանը, սակայն նրանցից ոչ մեկի մտքով չի անցնել 4 հատ լուսացույց տեղադրել Երեւանի Շենգավիթ համայնքի Աշխատանքի հրապարակում, որտեղից են սկսվում մարզային եւ միջպետական նշանակության ճանապարհները: Օրվա տարբեր ժամերին այնտեղ խցանումներ են լինում:

Yerkir.am-ի հետ զրույցում վարորդներից մեկը հայտնեց, որ այդ հրապարակում լուսացույցներ չեն տեղադրվում, «քանի որ ամեն օր ԱԺ նախագահ Հովիկ Աբրահամյանը հենց այդ փողոցով է գնում-գալիս հայրենի բնակավայր, իսկ լուսացույցը կարող է խանգարել մի քանի րոպե ուշ տեղ հասնելուն»: