Կադաֆիին Լուսին են ուղարկել

Լիբիայի առաջնորդ Մուամար Կադաֆին վայրէջք է կատարել Լուսնին. երեկ տեղեկացրել է շվեյցարական 20 Minuten թերթը: Թերթի կայքի գլխավոր էջում Կադաֆիի սկաֆանդրով լուսանկարն է:

Այդպես է թերթը իր ընթերցողների ուշադրությունը հրավիրում անորսալի դարձած Կադաֆիի վերաբերյալ ծաղրանկարների մրցույթին: 20 Minuten-ն առաջարկել է ընթերցողներին պատկերացնել, թե որտեղ կարող է թաքնված լինել գնդապետը, կամ ինչպես կարող էր զգեստափոխվել, որ իրեն չբռնեն:

Ոգեւորված շվեյցարացիներն արդեն տարբերակներ են առաջարկում. կարող էր Բարաք Օբամա, Անգելա Մերկել, Լեդի Գագա ձեւանալ, կամ` թռչել Լուսին, հայտնվել Նեւադայի անապատում` «Սարսափ եւ ատելություն Լաս Վեգասում» ֆիլմի հերոսի կերպարով: