Իսրայելը հավասարեցվում է Հայաստանին

Թուրքիան մոտ ժամանակներս սառեցնելու է Իսրայելի հետ բոլոր դիվանագիտական հարաբերությունները, եւ այդ երկրի հետ հարաբերությունները կլինեն այնպիսին, ինչպես Հայաստանի հետ է. տեղեկացնում են թուրքական ԶԼՄ-ները:

Բացի այդ` Թուրքիան ակտիվորեն խոչընդոտելու է Իսրայելի անդամակցությանը ՆԱՏՕ-ին, նաեւ ճնշում է գործադրելու Ատոմային էներգիայի միջազգային կազմակերպության վրա` պահանջելով, որ Իսրայելի դեմ պատժամիջոցներ կիրառվեն. թուրքերը պնդում են, որ Երուսաղեմը խախտում է միջուկային զենքի չտարածման կոնվենցիան:

Միաժամանակ, Անկարան շարունակում է պնդել, որ այդ բոլոր քայլերից կարելի խուսափել, եթե Իսրայելը պաշտոնապես ներողություն խնդրի Գազայի հատված մեկնող «Ազատության նավատորմիղի» վրա հարձակման ժամանակ զոհված Թուրքիայի 9 քաղաքացիների համար եւ փոխհատուցում տրամադրի նրանց ընտանիքներին: