Սուրճի թարմացնող հատկությունը մարդու ներշնչանքի արդյունք է

Բրիտանացի գիտնականների կարծիքով` սուրճի ազդեցությունն ունի ավելի շատ պլացեբոյի էֆեկտ, որը պայմանավորված է մարդու կողմից այդ նյութի նկատմամբ ունեցած ներշնչանքով:

Փաստորեն, սուրճի թարմացնող ազդեցությունը կապված է մեր մտքերի հետ:

Գիտնականները փորձերում ներգրավել են 88 կամավորի, որոնց սուրճ են հյուրասիրել, սակայն ոչ բոլորին է բաժին հասել իսկական սուրճ: Մի խմբին տվել են կոֆեինով սուրճ, իսկ մյուսներին` առանց կոֆեինի, բայց հավատացրել են, որ դա իսկական սուրճ է:

Մինչև սուրճ խմելը հատուկ թեստերի միջոցով պարզվել է մասնակիցների` գործողություններ կատարելու արագությունը:

Սուրճ խմելուց հետո մասնագետները կրկնել են թեստը և պարզել, որ գիտափորձի թե՛ կեղծ և թե՛ իսկական սուրճ խմած մասնակիցները նույն ցուցանիշներն են ունեցել. տեղեկանում ենք drugs.am կայքից: