Moody’s-ը Ճապոնիայի վարկանիշն իջեցրել է մինչեւ Aa3

Միջազգային վարկանիշային Moody’s գործակալությունը չորեքշաբթի օրը հայտարարել է Ճապոնիայի Aa2 վարկանիշը մինչեւ Aa3 իջեցնելու մասին:

Ինչպես հաղորդում է Reuters-ը, այս քայլը բացատրում է նրանով, որ Ճապոնիայում վերջին հինգ տարում հաճախակի փոխվել է կառավարությունը. վարչապետ Նաոտո Կանի հրաժարականից հետո Ճապոնիան պատրաստվում է ընտրել իր վեցերորդ կառավարությունը:

Գործակալության վերլուծաբանները նշում են, որ նման իրավիճակում հետեւողական եւ տրամաբանական տնտեսական քաղաքականություն վարելը բավականին բարդ է:

Վարկանիշի իջեցման մյուս պատճառն այն է, որ, սկսած 2009 թվականից, կապված համաշխարհային տնտեսական ճգնաժամի հետ, Ճապոնիայի պարտքն ավելանում է: