Moody’s-ը դեռ չի իջեցնի Իտալիայի վարկանիշը

Միջազգային վարկանշային Moody’s գործակալությունը մեկ ամսով երկարաձգել է Իտալիայի վարկանիշն իջեցնելու որոշման վերաբերյալ ուսումնասիրություններ կատարելը: Ներկայումս Իտալիայի վարկանիշը Aa2 է:

«Աշխարհում ավելի ու ավելի բարդ տնտեսական ու ֆինանսական պայմաններ են ստեղծվել, ինչպեսեւ քաղաքական փոփոխություններ են կատարվում: Moody’s-ը շարունակում է ուսումնասիրել Իտալիայի վարկանիշի վերաբերյալ փաստաթղթերը` միջազգային եւ ազգային արժույթի համատեքստում` առկա ռիսկերի տեսանկյունից: Moody’s-ը շարունակում է ջանք չխնայել` մեկ ամսվա ընթացքում գնահատականը տալու համար»,- ասված է գործակալության տարածած հաղորդագրության մեջ:

Իտալիայի վարկանիշի իջեցման մասին գործակալությունը հայտարարել էր այս տարվա հունիսի 17-ին: Moody’s-ի փորագետները վարկանիշի իջեցման պատճառ էին համարում երկրի մակրոտնտեսական վիճակում առկա կառուցվածքային խնդիրները, որոնք բացասաբար են ազդում տնտեսական աճի վրա, պետտուրքի բարձր մակարդակը եւ այլ խնդիրներ: