"Գինի խատուտիկներից". Ռոդիոն Նահապետովի նոր ֆիլմը

Ռուսաստանցի ռեժիսոր Ռոդիոն Նահապետովը, որը 1989 թվականից աշխատում է Հոլիվուդում, Ռեյ Բրեդբերիի «Գինի խատուտիկներից» ինքնակենսագրական պատմության հիման վրա ֆիլմ կնկարահանի. տեղեկացնում է newsru.com-ը:

Ի դեպ, Բրեդբերիին և Նահապետովին կապում է անձնական ընկերությունը, եւ Բրեդբերին Նահապետովի այդ մտադրությունը համարել է լավագույն նվերը իր ծննդյան 91-ամյակի կապակցությամբ:

Ռ. Նահապետովը բազմաթիվ ֆիլմերի հեղինակ է, որոնց թվում` ռուսական «Մահացու ուժ-2», «Ռուսները հրեշտակների քաղաքում» և այլն, իսկ 2004թ. նա նկարահանել է «Իմ մեծ հայկական հարսանիքը» ֆիլմը:

Ռոդիոն Ռաֆայելի Նահապետովը ծնվել է 1944թ. հունվարի 21-ին Պյատիխատկիում, հայրը` Ռաֆայել Թադևոսի Նահապետովը հայ էր, մայրը` Գալինա Անտոնովնա Պրոկոպենկոն` ուկրաինուհի: