Փոխարժեքներ
01 10 2024
|
||
---|---|---|
USD | ⚊ | $ 387.29 |
EUR | ⚊ | € 433.34 |
RUB | ⚊ | ₽ 4.17 |
GBP | ⚊ | £ 519.2 |
GEL | ⚊ | ₾ 141.99 |
Ապագա խորհրդարանի ձեւավորման վրա Ռուսաստանն էական ազդեցություն կունենա. լրագրողների հետ հանդիպման ժամանակ պատասխանելով «Երկիր»-ի հարցին` նշեց ԼՂՀ նախկին արտգործնախարար Արման Մելիքյանը:
Մեր այն դիտարկմանը, թե ի՞նչ հնարավորություններ կընձեռի Ռուսաստանը երկրորդ նախագահ Ռոբերտ Քոչարյանին, նա պատասխանեց, որ ներկա պահին եւ առաջիկայում Քոչարյանի վերադարձը Ռուսաստանի համար նախընտրելի տարբերակ չէ: Պատճառներից ամենակարեւորը, ըստ Մելիքյանի, այն է, որ Հայաստանում Ռոբերտ Քոչարյանի անունը կապվում է մարտի 1-ի իրադարձությունների հետ:
«Չգիտեմ` ինչ պետք է տեղի ունենա, որ այդ վերաբերմունքը փոխվի: Նման պայմաններում էլ Սերժ Սարգսյանին Ռոբերտ Քոչարյանով փոխարինելը Ռուսաստանի համար բացարձակապես անիմաստ է»,- նշեց նա եւ հավելեց, որ այլ խնդիր է, որ ՌԴ-ն Քոչարյանին եւ նրա մտերիմներին նյութական անձեռնմխելիության երաշխիքներ կտա:
Մելիքյանի համոզմամբ` Քոչարյանը Ռուսաստանի համար կարող է պահեստային տարբերակ լինել: Թեեւ Սերժ Սարգսյանը խնդրահարույց չէ ՌԴ-ի համար, բայց, ըստ նրա, Ռուսաստանի համար առաջիկայում Հայաստանում նոր իշխանության անհրաժեշտություն կառաջանա: