Համացանցային պոռնոգրաֆիա

Վաշինգտոնի դատարանը 72 տղամարդու մեղավոր է ճանաչել մանկական պոռնոգրաֆիայի մեջ ներգրավվելու մեջ: Նրանք բազմաթիվ նկարներ եւ տեսագրություններ են դրել Dreamboard անվանմամբ էջում, որտեղ պատկերված են անչափահաս աղջիկներ, ովքեր սեռական ոտնձգության են ենթակվում: Տեղեկացնում է CNN-ը:

Էջը ունի ավելի քան 600 մասնակից, ովքեր քաջալերում են պեդոֆիլիան:

Համաձայն դատարանում ներկայացված փաստերի, խմբի անդամները տեսագրություններ են դրել էջում, որտեղ 12-ից ցածր տարիք ունեցող աղջիկներ ենթարկվել են սեռական ոտնձգության, եւ տարածել են դրանք մյուս անդամներին:

Տեսագրություններում պարզորոշ երեւացել է, որ զոհերը դեպրեսիայի մեջ են եղել եւ ցավեր են ունեցել:

Դատարանի առջեւ կանգնած 72 տղամարդկանցից 43-ը ձերբակալվել են ԱՄՆ-ում, իսկ մյուսները` արտասահմանում: Անդամներից մոտ 20-ը հայտնի են իրենց համացանցային անվանումով եւ իրական ինքնությունը մնում է գաղտնի: Նրանցից ոմանք կդատապարտվեն 20, իսկ մյուսները` 30 տարի ազատազրկման: