ԱՄՆ-ում ԻՊ-ի համացանցային քարոզչության դեմ պայքարի բաժին կստեղծվի

Սպիտակ տունը հայտարարել է «Իսլամական պետություն» ահաբեկչական կազմակերպության դեմ պայքարի նոր ծրագրի մասին: Ինչպես տեղեկացնում է Reuters-ը, ամերիկյան իշխանությունները որոշել են «Իսլամական պետություն» ծայրահեղական կազմակերպության համացանցային քարոզչության դեմ պայքարի բաժին ստեղծել:

Նշվում է, որ այդ բաժինը կպատկանի Պետական անվտանգության նախարարությանը, սակայն կհամագործակցի նաև դաշնային և տեղական անվտանգության այլ գործակալությունների հետ: Աղբյուրը հայտնում է, որ Կալիֆոռնիայում կկայանա ԱՄՆ նախագահ Բարաք Օբամայի վարչակազմի ներկայացուցիչների հանդիպումը Apple, Facebook, Twitter ընկերությունների ներկայացուցիչների հետ։ Հանդիպմանը կքննարկվեն տվյալ բաժնի ստեղծման և գործունեության հարցերը։ Հանդիպմանը կմասնակցի նաև ԱՄՆ գլխավոր դատախազը: