ՀԱՅՈՑ ԱՇԽԱՐՀ. Սուտասանների մեջ ամենասուտասանը

Սուտը՝ անսքող, բացարձակ սուտը, վաղուց արդեն դարձել է հայրենի ներքին քաղաքականության գլխավոր աշխատանքային գործիքը։ 

   Քաղաքական գործիչներից ոչ ոք առանձնապես չի մտահոգվում, թե ոնց է վաղը նայելու հայրենակիցների աչքերին, ինչ է ասելու՝ մերկացված լինելով սովորական գռեհիկ ստի մեջ։ Այդպիսին են կանոնները, ստում են բոլորը, եւ արժե՞ արդյոք ամաչել։ 

   Սակայն կա հայրենի սուտասանների մեջ նաեւ ամենասուտասանը՝ նախկին վարչապետ Հրանտ Բագրատյանը։ Երբ խոսք է գնում նրա մասին, ակամա մտաբերում ես հանճարեղ Շչեդրինին, որն իր հերոսներից մեկի մասին ասել է. «Անկեղծորեն նա կարողանում է միայն բարձրաձայն փռշտալ»։ Չստող Բագրատյանը, կարծում ենք, արդեն օտարոտի տպավորություն կթողներ, ինչպես «Փլեյբոյ» պոռնոամսագիրը՝ դպրոցական գրադարանում։