Հերթական ժամադրությունը` հուլիսի 26-ին

ՀԱԿ-իշխանություն հերթական հանդիպումը տեղի կունենա հուլիսի 26-ին` ժամը 12.00-ին,  ՀՀ կառավարության ընդունելությունների տանը: Ինչպես հայտնում են ԱԺ հասարակայնության հետ կապերի բաժնից, հանդիպումից հետո աշխատանքային խմբերի ներկայացուցիչները կպատասխանեն լրագրողների հարցերին:  

Ուշագրավ է, որ երկար փնտրտուքներից հետո պատվիրակությունների ներկայացուցիչներն ավելի «չեզոք» վայր, քան Կառավարության շենքն է, չեն կարողացել գտնել: Երեւի Կոնգրեսի ներկայացուցիչները հույս ունեն հերթական բանակցությունից անմիջապես հետո կառավարությունում զբաղեցնել իրենց տեղերը: Սակայն այդ դեպքում հարց է առաջանում, թե ի՞նչ ակնկալիքով էր ՀԱԿ համակարգող Լեւոն Զուրաբյանը հերթական ժամադրության համար առաջարկում «Արմենիա Մարիոթ» հյուրանոցը...