"Ալ Քաիդա"-ի թուրք անդամը սպանել է ադրբեջանցիներին

«Ալ Քաիդա» ահաբեկչական կազմակերպությունը մահապատժի է ենթարկել ազգությամբ թուրք հրամանատար Սերդել Էրբաշին` «Թալիբան» շարժման երկու զինյալների սպանության համար. տեղեկացնում է «Թարաֆը»:

Դեռեւս 16 տարի առաջ ծնունդով Քենիայից Սերդել Էրբաշը մեկնել էր Չեչնիա, որտեղ տարաձայնություններ էր ունեցել  «Կովկասի էմիրության» հետ  եւ, անցնելով Աֆղանստան, անդամագրվել էր «Ալ Քաիդա»-ին, իսկ երկու տարի առաջ դարձել այդ կազմակերպության` Թուրքիայի գծով պատասխանատուն:

Էրբաշը մի քանի օր առաջ «Թալիբանի» երկու ադրբեջանցի անդամների հետ վիճաբանություն է ունեցել` նվիրատվություններից  ստացված եկամուտը բաժանել չկարողանալու պատճառով, ինչից հետո իր մարդկանց հրահանգել է սպանել նրանց:

«Թալիբանի» որոշմամբ` Էրբաշին Աֆղանստանում կախաղան են բարձրացրել: