Համասեռականների ձեռքբերումները` դասագրքերում

Կալիֆոռնիայի դպրոցներում այսուհետեւ ուսումնասիրելու են նաեւ ոչ ավանդական սեռական կողմնորոշում ունեցողների ձեռքբերումների պատմությունը: Այդ մասին օրենսդրական նորմ է ստորագրել Կալիֆոռնիայի նահանգապետ Ջերրի Բրաունը:

Ըստ «Նովոստի» գործակալության` Կալիֆոռնիան առաջին նահանգն է, որտեղ նման օրենք է ընդունվում:

Նահանգապետն իր հայտարարության մեջ գրել է, թե նոր օրենքը լրացնում է օրենդրական դաշտը եւ վկայում է կրթության ոլորտում խտրականությունների բացառման մասին:

Օրինագծին դեմ են քվեարկել օրենսդիր մարմնի բոլոր հանրապետականները: Նրանք պատճառաբանել են, թե համասեռականների ձեռքբերումների պատմության ուսումնասիրությունը երեւույթը քարոզելու տարրեր է պարունակելու:

Նշվում է նաեւ, որ նոր դասագրքերը դպրոցներում հայտնվելու են 2015 թվականից ոչ շուտ: