ՀՀԿ-ական գործող քաղաքապետերը վերընտրվել են

Արդեն հայտնի են Արարատ եւ Արտաշատ քաղաքների նոր քաղաքապետերի անունները: Երկու քաղաքներում էլ վերընտրվել են գործող քաղաքապետերը, Արարատում` 5.259 ձայնով Աբրահամ Բաբայանը, Արտաշատում` 6.931 ձայնով Գագիկ Մուրադյանը:

Գագիկ Մուրադյանի միակ մրցակից Քաջո Գրիգորյանը հավաքել է ընդամենը 268 ձայն:

Արարատում ընտրության նախօրեին ինքնաբացարկ էր հայտնել գործող քաղաքապետի միակ մրցակիցը` Արարատի նախկին քաղաքապետ Հակոբ Թովմասյանը: Նա իր կողմնակիցներին կոչ էր արել չմասնակցել ընտրություններին, քանի որ, թեկնածուի համոզմամբ, ընտրապայքարը Արարատում անցել էր Ընտրական օրենսգրքի կոպիտ խախտումներով, եւ ընտրարշավն անցել էր ոչ հավասար պայմաններում:

Չնայած այս կոչին` Հակոբ Թովմասյանի օգտին քվեարկել է 230 հոգի: