Նոր բանաձեւ` Ցեղասպանության մասին

Փարիզում հունիսի 21-24-ը անցկացված Ուղղափառության խորհրդարանական վեհաժողովի 18-րդ նստաշրջանի ընթացքում բոլոր պատվիրակների կողմից միաձայն ընդունվել է Հայաստանի պատվիրակության ներկայացրած «Օսմանյան կայսրությունում քրիստոնյա ժողովուրդների` հայերի, հույների եւ ասորիների նկատմամբ իրականացված ցեղասպանության վերաբերյալ» բանաձեւը: Այդ մասին այսօր լրագրողների հետ հանդիպման ժամանակ տեղեկացրեց վեհաժողովում հայկական պատվիրակության ղեկավար Մկրտիչ Մինասյանը:

Բանաձեւը կոչ է անում ճանաչել Օսմանյան Թուրքիայում քրիստոնյա ժողովուրդների նկատմամբ իրականացված ցեղասպանությունները, միաժամանակ դատապարտում է ժամանակակից Թուրքիային` այդ հանցագործությունը մինչ օրս ժխտելու համար: