Արդեն հնարավոր չէր աշխատել

Հայաստանում այս օրերին սկսվել է մի քանի մշակաբույսերի, հատկապես ծիրանի բերքահավաքը, իսկ Հայաստանի գյուղատնտեսության բուսաբուծության, անտառային տնտեսության եւ բույսերի պաշտպանության վարչության պետ Գագիկ Մանուչարյանը, որը հիշյալ պաշտոնում է 2008 թվականի սեպտեմբերից, օրեր առաջ, իր դիմումի համաձայն, հեռացել է նախարարությունից:

Գ. Մանուչարյանը իր ոլորտի գիտակ է եւ 30 տարի աշխատում է գյուղատնտեսության բնագավառում:

Մեր հարցին, թե ի՞նչն է պատճառը, որեւէ բանից նեղացե՞լ է, Գ. Մանուչարյանը պատասխանեց. «Չեմ նեղացել: Ուղղակի արդեն հնարավոր չէր աշխատել»:

Գյուղատնտեսության նախարարության մեր աղբյուրներից տեղեկացանք, որ այս պահին նախարար Սերգո Կարապետյանը այդ թափուր պաշտոնի ժամանակավոր պաշտոնակատար է նշանակել նույն վարչության երկրագործության զարգացման բաժնի պետ Գեւորգ Հարությունյանին: