Առանձնապես ոչ մի բանով աչքի չէր ընկնում. պայթուցիկի «հեղինակը» երկրաբանության ինստիտուտում է աշխատել

Տեղեկացրել էինք, որ ԴՆԹ փորձաքննությամբ պարզվել է ապրիլի 25-ի ուշ երեկոյան թիվ 63 երթուղու ավտոբուսում տեղի ունեցած պայթյունի ենթադրյալ մեղավորի ինքնությունը: Նա ՀՀ քաղաքացի` 1961 թ. ծնված Ռուբեն Բալյանն է, որի բջջային հեռախոսային քարտը հայտնաբերվել էր դեպքի վայրում կատարված զննությամբ: 

Yerkir.am_ի հետ զրույցում ՀՀ ԳԱԱ երկրաբանական գիտությունների ինստիտուտի տնօրեն Արկադի Կարախանյանը նշեց, որ Բալյանն աշխատել է իրենց ինստիտուտում, բայց 1985-86 թվականներին:

«1986-ին նա հեռացավ ինստիտուտից, և նրանից այլևս ոչ մի լուր չկար` որպես գիտաշխատողի: Նա հենց ինձ մոտ էր աշխատում, ասպիրանտ էր, առանձնապես ոչ մի բանով աչքի չէր ընկնում»,- ասաց նա:

Ըստ Կարախանյանի` Բալյանի մտքի թռիչքն այդ տարիներին այնքան չէին հասնում, որ պայթուցիկներ սարքեր: