Իլհամ Ալիևը պատրաստ չէր

Հայաստանի արտգործնախարար Էդվարդ Նալբանդյանը՝ ամփոփելով Կազանում Ռուսաստանի նախագահի միջնորդությամբ Հայաստանի և Ադրբեջանի նախագահների հանդիպման արդյունքները ասել է, որ Կազանի հանդիպումը բեկումնային չեղավ, քանի որ Ադրբեջանը պատրաստ չեղավ ընդունել վերջնական տարբերակը, որն առաջարկվել էր եռանախագահների կողմից:

Ըստ նրա՝ Կազանում Ադրբեջանը մոտ մեկ տասնյակ փոփոխություններ է առաջարկել:

«Բոլոր դեպքերում հանդիպումը օգտակար էր այն իմաստով, որ շարունակվեցին մանրամասն քննարկումները»,- ասել է Է. Նալբանդյանը` հավելելով, որ կարևոր է նաև, որ Ռուսաստանի նախագահ Դմիտրի Մեդվեդևը պատրաստակամություն հայտնեց շարունակել ջանքեր գործադրել սկզբունքները վերջնականապես համաձայնեցնելու համար: