Թուրքասեր Կիրկորովը

Ռուսաստանի ժողովրդական երգիչ Ֆիլիպ Կիրկորովը խոստանում է հոկտեմբերին բաքվեցիների համար անմոռանալի մենահամերգ տալ: Նա հայտարարել է, թե պարզապես երազում է Բաքվում կայանալիք մենահամերգի մասին: «Բոլորդ գիտեք, թե ես ինչքան եմ սիրում Ադրբեջանը: Թեեւ շատերն են փորձել խանգարել իմ այցին Բաքու, բայց նրանք դրան չեն հասել: Ինձ թվում է, թե ես երազում եմ»,- Իգոր Կրուտոյի համերգի ժամանակ հայտարարել է երգիչը:

Երգչի մամլո ծառայության ղեկավար Գենադի Ռիբակն էլ,  իր հերթին, նշել է, թե Կիրկորովը Բաքվի համերգին առանձնահատուկ է պատրաստվում: Նա ադրբեջանցիներին «ավետիս» է հղել` բանակցություններն արդեն կայացել են, սակայն համերգի կոնկրետ օրը հստակեցված չէ: