Ֆիլիպ Կիրկորովը հրաժարվել է Բաքվում ելույթ ունենալուց

ՌԴ ժողովրդական արտիստ Ֆիլիպ Կիրկորովի` այս տարվա հոկտեմբերին Բաքվում նախատեսված հյուրախաղերը չեն կայանա: Երգչի գլխավոր պրոդյուսեր Գենադի Ռիբակը Vesti.Az-ին ասել է որ ոչ մի համերգ էլ Բաքվում չի լինի:

«Ներկայումս Ֆիլիպը գտնվում է Ռուսաստանի Դաշնոււթյան տարածքից դուրս: Իսկ ինչ վերաբերվում է Բաքվի համերգին, այն չի լինի: Մեզ մոտ արդեն պլանավորված են հոկտեմբեր և նոյեմբեր ամիսների հյուրախաղերը»,- ասել է Ռիբակը:

Հիշեցնենք, որ Ֆիլիպը, առաջին անգամ այս տարվա մարտին ելույթ ունենալով Հեյդար Ալիևի անվան համերգասրահում` Իգոր Կրուտոյի ստեղծագործական երեկոյին, ասել էր, որ երազում է մենահամերգով հանդես գալ Բաքվում: