Փախուստ դեպի մահ

CNN հեռուստաալիքը տեսանյութ է պատրաստել ռուս և ուկրաինացի աղջիկների մասին, ովքեր մեկնում են Թուրքիա և Հունաստան` աշխատանք գտնելու հույսով:

Ռուս, ուկրաինացի և մոլդովացի աղջիկներն ու կանայք իրենց երկրներից Թուրքիա, մասնավորապես` Ստամբուլ են մեկնում նավերին բարձված կոնտեյներներում, որոնցում ոչ միայն ապահովված չեն տարրական հիգիենայի կանոնները, այլև շնչելու օդ չկա:

Հեռուստաալիքը մի օրինակ է բերում. հունական կղզիներում աշխատելու համար Ռուսաստանում 60 հոգանոց կանանց խումբ է հավաքագրվում գործակալությունների կողմից: Կանանց տեղավորում են կոնտեյներներում, վերցնում նրանց փաստաթղթերը:

Սակայն կանանց կեսից ավելին տեղ չի հասնում` մահանում են թթվածնի պակասից և վատ պայմաններից: Իսկ մյուսներին ափ են իջեցնում Թուրքիայում, որտեղ նրանց բռնաբարում են ոստիկանների համազգեստ հագած անձինք: Միայն այս տանջանքներից հետո ռուս աղջիկները կարողանում են հասնել Հունաստան: