Օբաման աշխարհի ամենալավ դայակն է

Թե ինչպես է ԱՄՆ նախագահ Բարաք Օբաման ղեկավարումը երկիրը, չգիտենք, սակայն որ լեզու է գտնում փոքրիկների հետ, փաստ է: Իսկական հրաշագործի պես Օբաման մի ակնթարթում հանգստացրել է իր երկրպագուներից մեկի լացող փոքրիկին. տեղեկացնում է Huffington Post թերթը:

Լացող երեխային նախ Միշել Օբամայի գիրկն են դրել, սակայն մանկավարժական տաղանդները, որոնք առաջին տիկինը բազմիցս ցուցադրել էր դպրոցականների հետ շփումներում, նրան չեն օգնել. երեխան շարունակել է բարձրաձայն լաց լինել:

«Ավելի լավ է մորը վերադարձրու»,- ծիծաղելով` կնոջը խորհուրդ է տվել Բարաք Օբաման:

Սակայն դրան փոխարեն երեխային իրենց են փոխանցել: Հայտնվելով նախագահի ձեռքերում` փոքրիկն անմիջապես լռել է: Միշելի բերանը զարմանքից բաց է մնացել:

Հիշեցնենք, որ անցյալ տարի ԱՄՆ նախագահը երեխաների համար գիրք է հրատարակել` «Ես քեզ դաստիարակում եմ. ուղերձ դուստրերիս» վերնագրով: