Ժապավենով ռումբեր` Քադաֆիի համար

ՆԱՏՕ-ի օդուժն այս գիշերը վերսկսել է Լիբիայի մայրաքաղաք Տրիպոլիի ռմբակոծությունները: Երկու հզոր պայթյուն է որոտացել Բաբ ալ Ազազիա թաղամասում, որտեղ գտնվում է Մուամար Քադաֆիի նստավայրը: Որոշ ժամանակ անց նույն շրջանին դարձյալ մի քանի օդային հրված է հասցվել. տեղեկացնում է «Նովոստի» գործակալությունը:

Երեկ ՆԱՏՕ-ի «Միացյալ պաշտպան» գործողության ամենահզոր ռմբակոծությունն է եղել. Տրիպոլիի վրա ավելի քան 60 ավիահարձակում է տեղի ունեցել: Լիբիական իշխանությունների ներկայացուցիչ Մուսա Իբրահիմը հայտարարել է, որ, վերջին տվյալներով, ռմբակոծությունների հետեւանքով զոհվել է 31 մարդ, մի քանի տասնյակ մարդ վիրավոր է:

Ի դեպ, երեկ Մուամար Քադաֆին նշել է իր 69-րդ տարեդարձը: