Ադրբեջանը շարունակում է զինվել. կստանան «խելացի» ռումբեր և թուրքական հրթիռներ

Հուլիսի 26-ին տեղի է ունեցել Ադրբեջանի պաշտպանության նախարարության և թուրքական «TUSAŞ» ընկերության միջև «Սու-25» - ի արդիականացման նախագծի վերաբերյալ պայմանագրի ստորագրման արարողությունը: Այս մասին հայտնում է Ադրբեջանի պաշտպանության նախարարությունը։

IDEF-23 պաշտպանական արդյունաբերության 16-րդ միջազգային ցուցահանդեսի շրջանակներում տեղի ունեցած ստորագրման արարողությանը մասնակցել են Ադրբեջանի պաշտպանության նախարարի տեղակալ – գլխավոր տնօրեն Ագիլ Գուրբանովը, Թուրքիայի պաշտպանական արդյունաբերության կոմիտեի նախագահ Հալուք Գերգյունը և այլ պաշտոնատար անձինք:

Պայմանագրի կնքման հիմնական նպատակը թուրքական արտադրության «խելացի» ռումբերի և հրթիռների ինտեգրումն է Ադրբեջանի ՌՕՈւ ինքնաթիռներին և դրանց ավիոնիկայի արդիականացման աշխատանքների իրականացումը:

Մինչ Ադրբեջանը հարձակվողական զինամթերք է ձեռք բերում, զուգահեռ քայլեր է անում, որ Հայաստանը չկարողանա զինամթերք ձեռք բերել։ Այսօր արդեն հայտնի էր դարձել, որ դիմել է Հնդկաստանին՝ կոչ անելով վերանայել Հայաստանին սպառազինություն տրամադրելու որոշումը։