ԺԱՄԱՆԱԿ. Առայժմ կսպասեն

Թերթը տեղեկացրել էր, որ Մարտի 1-ի զոհերի հարազատները մտադիր են ծայրահեղ միջոցների դիմել` հաշվի առնելով այն հանգամանքը, որ իրավապահները Մարտի 1-ի բացահայտման հարցում որեւէ նշանակալից արդյունք չեն արձանագրել:

Մարտի 1-ին զոհված Տիգրան Խաչատրյանի մորը` Ալլա Հովհաննիսյանին, երեկ հարցրեցինք, թե Մարտի 1-ի զոհերի հարազատները երբ են մտադիր սկսել նախատեսված ակցիաները: Ալլա Հովհաննիսյանը նշեց, որ մտադիր են մի քիչ սպասել` տեսնելու, թե իշխանություններն ինչ քայլեր են ձեռնարկում, որպեսզի հետո չչքմեղանան, թե պատրաստվում էին բացահայտումներ անել, բայց Մարտի 1-ի զոհերի հարազատները սկսեցին բողոքի ակցիաներ անցկացնել:

Բացի այդ` Ալլա Հովհաննիսյանը նշեց, որ հուլիսին սպասվում է ԵԽԽՎ Հայաստանի հարցով համազեկուցողների այցը, հուլիսի կեսին կլրանա Սերժ Սարգսյանի հանձնարարականի երեք ամիսը, ուստի այդ ժամանակ էլ Մարտի 1-ի զեհերի հարազատները համազեկուցողների այցից առաջ կորոշեն, թե բողոքի ինչպիսի ակցիաներ են անցկացնելու: