Բերեզովսկին դժգոհել է մրցավարությունից

Հայաստանի ֆուտբոլի հավաքականի դարպասապահ Ռոման Բերեզովսկին Советский спорт-ին տված հարցազրույցում դժգոհել է Ռուսաստանի հետ հանդիպման մրցավարությունից: 

«Ես չէի ասի, թե մենք այսօր Ռուսաստանից վատ էինք խաղում: Ռուսները օգտագործեցին գրեթե բոլոր պահերը: Հատկապես ցանկանում եմ նշել մրցավարության ահավոր վատ մակարդակը: Ես նույնիսկ չեմ ցանկանում 11 մետրանոցի և չհաշված գոլի մասին խոսել: Ամբողջ հանդիպման ընթացքում մրցավարն անընդհատ սուլում էր հակառակորդի օգտին և թույլ չէր տալիս պայքարել: 
Բացի այդ, խոտածածկն էր վատ վիճակում, պետք է ավելի կարճ կտրեին: Դա ազդեց տակտիկապես համակարգված  և գեղեցիկ խաղի վրա: Ինչ վերաբերում է ֆանատների բոյկոտի ակցիային, ապա ավելացնելու ոչինչ չունեմ»,- ասել է Հայաստանի հավաքականի դարպասապահը: