Դիարբեքիրի գրքի միջազգային ցուցահանդեսում

«Մարդկությանը մեծ տառապանքներ են պատճառել, ոմանք իրենց ինքնությունն են թաքցրել, ոմանք աքսորի ճանապարհին մահացել են։ Բայց մի պարզ ճշմարտություն՝ հայերի գնալով իրական կարոտը մենք` այստեղ մնացողներս, կրեցինք։ Առերեսվել է հարկավոր այս ամենի հետ, եւ «Ահավասիկ գնացին» գիրքը հենց այն խթանն է, որ առերեսվելու դուռն է բացում մեր առջեւ»,- ասում է Դիարբեքիրի քաղաքապետ Օսման Բայդեմիրը։ 

Գրքի հեղինակ Շեյհմուս Դիքենի խոսքով` Սուրբ Կիրակոս եկեղեցու վերականգնումը կնպաստի, որ չվերանա պատմությունից։ Մի օր զանգերի ղողանջը եւ էզանը իրար կխառնվեն, եւ դրանից աշխարհը չի փլվի։ Ճիշտ հակառակը՝ նորից կվերկառուցվի։ 

Արձակագիր Մկրտիչ Մարկոսյանը նշում է, որ պատմության մեջ Դիարբեքիրը յոթ անուն է ունեցել՝ հայերի համար Տիգրանակերտ է, քրդերի համար՝ Ամեդ։ Եվ այսօր այն նոր անուն ունի՝ Տիգրանամեդ։ 

«Երկիր Մեդիա» հեռուստաընկերության տեսանյութը կարող եք դիտել այստեղ: