Արզաքանցյանը եկել էր քաղաք (լուսանկարներ)

Այսօր` ժամը 16:50-ի սահմաններում, Երևանում ԱԺ գործարար պատգամավոր Տիգրան Արզաքանցյանը չի ենթարկվել ճանապարհային ոստիկանության աշխատակիցների` ավտոմեքենայի տեխանձնագիրը և  վարորդական իրավունքի վկայականը ներկայացնելու հրամանին եւ դիմել է փախուստի:

Ինչպես yerkir.am-ին հայտնեց  ֆոտոլրագրող Գագիկ Շամշյանը, «Արմենիա Մարիոտ» հյուրանոցի մոտ ոստիկանները կանգնեցնել են ԱԺ պատգամավորի  BMW-740 մակնիշի 022 ՕՕ 11 համարանիշի եւ նրան ուղեկցող Mitsubishi Pajero մակնիշի 13 ՕՍ 783 համարանիշի ավտոմեքենաները: Երկու մեքենաների վարորդներն էլ եղել են առանց ամրագոտիների:

Երբ ճանապարհային ոստիկանության աշխատակիցները պահանջել են մեքենայի տեխանձնագիրը և  վարորդական իրավունքի վկայականը, Արզաքանցյանն ասել է, որ ոստիկաններն իրավունք չունեն իր մեքենան զննել, եւ դիմել է փախուստի:

Այդուհանդերձ, նրան ուղեկցող Mitsubishi Pajero-ի ուղեւորներին բերման են ենթարկել ոստիկանության Կենտրոնականի բաժին, որտեղ նրանց մոտ զենք են հայտնաբերել:

Ոստիկանության Կենտրոնականի բաժնից Mitsubishi Pajero ավտոմեքենան տեղափոխվել է Երեւանի ճանապարհային ոստիկանության տուգանային հրապարակ:

Լուսանկարները` Գագիկ Շամշյանի