կարևոր
1501 դիտում, 2 ամիս առաջ - 2022-11-30 16:16
Քաղաքական

Արզաքանցյանը հասկացավ, որ բնական պահանջն ու ժամանցը տարբեր են, բայց քաղաքապետը չհասկացավ, որ հանրային տրանսպորտ ունենալը հանրային պահանջ է և պարատականություն․ Հակոբյան

Արզաքանցյանը հասկացավ, որ բնական պահանջն ու ժամանցը տարբեր են, բայց քաղաքապետը չհասկացավ, որ հանրային տրանսպորտ ունենալը հանրային պահանջ է և պարատականություն․ Հակոբյան

Yerevan.Today-ի գլխավոր խմբագիր Սևակ Հակոբյանը գրում է․

«Տարիներ առաջ Տիգրան Արզաքանցյանը դատի էր տվել ԵՐԿԻՐ թերթին՝ իր մասին հրապարակման համար։ Պոզիտիվ, ստիլյագ և այլ բառերի իմաստը չէր հասկացել։ Նաև գրել էին, թե կազինոների մշտական այցելու է։ Դատական նիստի ժամանակ Արզաքանցյանի փաստաբանը թերթի խմբագրին հարցնում է՝ ինչի՞ եք գրել «կազինոների մշտական այցելու», օրինակ դուք էլ զուգարան եք գնում, ասո՞ւմ ենք զուգարանի մշտական այցելու։ Այսինքն, մարդը բացատրեց, որ կազինո գնալը իրենց համար բնական պահանջմունք է։

Ինչի՞ սա հիշեցի։

Արզաքանցյանի մակարդակի գործիչներից մեկը՝ Հրաչյա Սարգսյանը, որ Երևանում քաղաքապետ է աշխատում (չնայած ի տարբերություն՝ Արզաքանցյանի գործունեությունից դեռ ժողովուրդը չի տուժել), լրագրողի հարցին, թե արդյո՞ք ճոխություն չէ 650 հազար դոլարով Երևանը զարդարելը, պատասխանում է․ ուշադրություն․ «Գիտե՞ք ինչ, հիմա նույն տրամաբանությամբ կարող ենք ասել, թե ինչո՞ւ ենք ձեռք բերում «Ման» ավտոբուսներ, արդյո՞ք դա շռայլություն չէ»։

Արզաքանցյանին բացատրել հնարավոր եղավ, որ բնական պահանջն ու ժամանցը տարբեր բաներ են, բայց քաղաքապետը այդպես էլ չջոկեց, որ մարդավարի տրանսպորտ ունենալը հանրային պահանջ է և իրենց պարտավորությունն է, բայց անհարկի շքեղությունը, այն էլ՝ սգի վրա անթույլատրելի է ու անամոթություն»։