Նրանց պատգամավորները հեծանիվ են քշում, մերոնք` "Ջիպ"

Դանիացիները վստահում են իրենց Մարգրետե Երկրորդ թագուհուն եւ Դանիայի Թագավորության խորհրդարանի` 25-ից մինչեւ 38 տարեկան երիտասարդ պատգամավորներին:

Խորհրդարանի բակում բազմաթիվ հեծանիվներ կան. պատգամավորները դրանցով են երթեւեկում, ի տարբերություն մեր ժողովրդական ընտրյալների, որոնք «Համեր»-ներով կամ էլ «Ջիպ»-երով են գործի գալիս: 

Երեւի դա է պատճառը, որ էկոլոգիական տրանսպորտից օգտվող, առողջ ապրելակերպով ապրող դանիացի պատգամավորները նկատում են ամեն մանրուք, ավելի մոտ են ժողովրդին, իսկ մերոնք, իրենց ավտոմեքենաներում բազմած, աշխարհին նայում են մգեցված ապակիների հետեւից:

Դանիայի խորհրդարանի բակում կանգառած 5-6 տաքսիներ էլ կային.  «Երկիր»-ի թղթակցին տաքսիստներն ասացին, որ մեքենաները պատվիրել են Կոպենհագենի ծայրամասերում ապրող պատգամավորները:

Գ. ՆԱՆՅԱՆ