Փոխարժեքներ
04 10 2024
|
||
---|---|---|
USD | ⚊ | $ 387.05 |
EUR | ⚊ | € 427.46 |
RUB | ⚊ | ₽ 4.07 |
GBP | ⚊ | £ 507.73 |
GEL | ⚊ | ₾ 141.66 |
Մինչ այս տարվա վերջը կավարտվի Ադրբեջանի տարածքում բնակվող մեսխեթցի թուրքերի` Վրաստան հայրենադարձման ծրագիրը: Ըստ ադրբեջանական ANS հեռուստաընկերության` Ադրբեջանում բնակվող 13 հազար մեսխեթցի թուրքեր արդեն դիմել են պաշտոնական Թբիլիսիին` հայրենադարձման խնդրանքով, սակայն այդ գործընթացում կան որոշ խնդիրներ:
«Վաթան» միության նախագահ Սաբիրժան Ջալիլովի խոսքերով` հայրենադարձումը հարկավոր է այնպես կազմակերպել, որ ընտանիքների անդամները միմյանցից չբաժանվեն: «Հնարավոր է` ընտանիքի յոթ անդամներից 3-ին կամ 4-ին Վրաստանի կառավարությունը մերժի»,- ասել է Ջալիլովը:
«Երկիր»-ն այս կապակցությամբ դիմեց ՀՅԴ Բյուրոյի Հայ Դատի եւ քաղաքական հարցերի գրասենյակի պատասխանատու Կիրո Մանոյանին, որը հայտնեց, թե Վրաստանը համաձայնել է ընդունել մեսխեթցի թուրքերին, սակայն նրանք պարտադիր չէ, որ վերաբնակեցվեն այն բնակավայրերում, որտեղից արտաքսվել էին: «Սակայն Թուրքիան պնդում էր, որ նրանց բնակեցնեն հայաբնակ Ջավախքում, եւ այստեղ էր միակ մտահոգությունը»,- ասաց Կ. Մանոյանը: