Լիզ Թեյլորի նկարը` աճուրդում

Phillips de Pury աճուրդային տունը մայիսի 12-ին աճուրդի է հանելու Էնդի Ուորհոլի` Էլիզաբեթ Թեյլորի պատկերաշարից մի նկար` «Լիզ համար 5»-ը: 1963 թվականին ստեղծված նկարը գնահատվել է 20-30 մլն դոլար. տեղեկացնում է Reuters-ը:

Անցյալ տարվա ամռանը այդ նույն պատկերաշարի նկարներից մեկը վաճառվել է 10 մլն դոլարով, իսկ 2007-ին բրիտանացի դերասան Հյու Գրանտը Թեյլորի նկարներից մեկը վաճառել է 23,6 մլն դոլարով:

Հոլիվուդյան դերասանուհին, որ մահացավ այս տարվա մարտի 23-ին, աճուրդի կազմակերպիչների կարծիքով, «մարմնավորում էր հարստությունը, սկանդալը, սեքսը, մահը եւ Հոլիվուդը, նա Հոլիվուդի զարգացման եւ շքեղության խորհրդանիշն էր»: